حادثة غرق بنات كنيسة مارمينا مسؤلية من؟

معقولة بنات فى السن دا مش عارفين يعوموا المسافة القصيرة دى ويغرقوا؟؟ الى متى يتهاون الاباء والامهات فى تثقيف ابناءهم وبناتهم واكسابهم مهارات فى الحياة فى كافة النواحى... دا عبط مش عفة ولا حشمة ان البنات فى السن دا مش عارفين يعوموا المسافة دى...

معقولة هذا العدد من البنات وحتى لو اقل يطلعوا من الكنيسة بدون وجود خادم او اثنين من الرجال معهم وخصوصا ها يدخلوا جنينة وها يركبوا مركب...

معقولة نعتمد على ان خادمة او اثنين اخذت دورة اعداد قادة.. دورة اعداد قادة دى امور ثقافية او مجرد معلومات.. انما الدورة الحقيقة هى خروج قادة كبار السن خبيرين مع الخدام الشباب ليعلموهم عمليا التصرف.

معقولة العبط لدرجة اننا نركب مركب وواضح ان العدد اكبر من قدرتها .. وواضح ان فيه ثقوب...اكيد لو فيه شماس او خادم كبير موجود كان رفض الوضع دا...

معقولة بنات وحدهم ياخدوا مركب مع حد مش يعرفوه ويبداوا رحلتهم النيلية الساعة السابعة مساءا .. دا توقيت متاخر حتى لو صيف والجو جميل...

ياريت نصحح الوضع والترتيب من الداخل وبلاش ننتقد المسؤلين عن المحافظة .. لو الفساد منتشر.. لو عدم الامانة حولنا .. لكن لازم نكون احنا حكماء فى اقل الاشياء ... لازم فيه قادة كبار مسؤلين عن الرحلات مش بنات اخذوا دورة اعداد قادة...

ياريت نهتم بثقافة البنات فى الاماكن الشعبية ... لازم يتعرفوا ازاى يتصرفوا فى المواقف الصعبة مش رحلات وترفية وبس.. ايه فائدة الرحلات بدون ان نتعلم مهارات