عصفورك غرد فى الغابة

عصفورك غرد فى الغابة
وف الليل صح العود وربابة
فايض قلبى نغم وكتابة
لك يارب
لانك بابا
+++

+ عصفورك عرف ان السلب والسبى والاسوار والقيود كانت سياجك حوليه وسورك نار رعايتك ...

+ عصفورك يشهد ويعترف ان يهوه شمة "الله هناك" كان معه فى الاتون .. والسجون .. وليل الظلمة .. والغربة .. كان معاه فى البئر .. يهوه شمه كان فى وسط الريح العاتية والامطار والعواصف وكل تسونامى قلب حياته..

+ عصفورك وقع ريشه مع دموعه ومراره نفسه على احلام عمره ... لكن فى هذا الوقت امتدت يد سيرافيم ومعه جمره من المذبح السماوى ليعلمه ان يسبح اسمك القدوس وحده ويعلمه ان يهوه شمه موجود فى هذه اللحظات..

+ عصفورك فى الغابة بيقولك بابا انا شوفتك لما رميت مرارتى وراى وكل احلامى وصرت عود تحركه كلمات التسبيح الصادقة..
سبح شوية والعب شوية مع العصافير السبعة الالاف التى لم تنحنى لبعل ونطير شوية نستنشقك فى لحظات سمائية بقلوب خالصة تماما..

+ عصفورك اتعلم يقولك انت سيد الموقف ... حتى وهو مبلل بالامطار والرياح العاصف حوليه وليس له اين يسند قدميه ... عصفورك فى الوقت دا بيمد ايده وعليها قلبه لك وحدك ويقول لك:
ادخلنى الى خيمتك واسترنى هناك بستر خيمتك فهى الاكثر امنا والاقوى من كل الحصون العالية
وف خيمتك اهتف .. اغنى .. ارنم لاسمك وحدك .. اذكرك على فراشى فى الليل فاقوم اسبح .. واسبح

+ عصفورك واقف فى المطر وليل الغربة منتظر يمينك الحلوة الحانية القوية لتمتد وتمسكه وتضعه على الضخرة فوق كل ظلمات واعماق لا حياة فيها

+ عصفورك فى الغابة لقى نفسه صارت فيه قيثارة يعزف على اوتارها بقلبه ومشاعره ويقول: علمنى يارب طريقك

+ عصفور سميرنا وصلت له رسالتك النهارده ... "عصفور سميرنا لا تخف البته مما انت عتيد ان تتألم به ... عصفور سميرنا كن امينا الى الموت انا وحدى اعطيك اكليل الحياة ... لمسة الحياة منى انا الذى كنت ميتا وها انا حى ... ولى مفاتيح الهاوية والموت.. فى الغابة مش هاتموت هاتعيش الحياة اللى خصصتها لك منذ الازل ونقشتها لك على كفى...